Tregu i Gjesë së gjallë

Ndërtesa ngrihet e lehtë dhe e hapur. Forma e qartë rrethore saj dhe strehët e gjera e dallojnë fort ndërtesën brenda peizazhit, duke e bërë atë një nga karakteristikat dalluese më të dukshme të kontekstit pritës. Projekti frymëzohet nga natyra ciklike e tipologjisë së tregut dhe merr formë si një pikëtakim mes dy ciklesh jetësore - të dy aktorëve brenda asaj hapësire të njerëzve dhe të kafshëve. Formalisht, ky takim zhvillohet në sheshin qendror të tregut. Ansambli ngjan si një simbol antropocentrik, gati si një panoptikon, që hyjnizon plotfuqinë e njeriut, por në fakt mbart një simbolikë krejt tjetër. Struktura shërben si një orë diellore, e cila simbolizon kohën që ikën dhe natyrën e brishtë të pushtetit të njeriut mbi të. Tregu i gjësë së gjallë është një hapësirë që përshtatet për disa funksione, mund të shndërrohet lehtësisht në një treg prodhimesh bujqësore apo në një mjedis të hapur për veprimtari kulturore etj. Ndërtesa ka marrë formë në një kontekst, me pak referenca të mëparëshme arkitekturore. Vetë tipi arkitektonik nuk është shumë i përhapur dhe nuk ka as shkëlqimin dhe as pararendës si tipologjitë e tjera, siç është për shembull rasti i një muzeu.