Kreu
FRAGMENTE TË ARKITEKTURËS BASHKËKOHORE SHQIPTARE
Gëzim Puka(Arkitekt)
The Hill
Vendndodhja:Arbëri,Prishtinë, Kosovë
Tipologji:
Shërbime
Autor|ët:Gëzim Puka
Viti i realizimit:2022
Bashkëpunëtorët:Fidan Belegu, Blend Nallbani, Fiona Driza, Aida Dobruna, Gjin Puka, Misin Misini, Gani Latifi, Rasim Mjekiqi, Sokol Xhafa
Fotografia: Gëzim PukaThe Hill
Ndërtesa “The Hill” është një shembull i veçantë i arkitekturës bashkëkohore në lagjen Arbëria të Prishtinës, që i
ka dhënë kësaj zone një frymë të re dhe moderne. Kjo
ndërtesë është një frymëzim për zhvillimin urban dhe
përdorimin e materialeve të reja inovative. Forma dhe linjat e buta të ndërtesës, shëmbëllejnë si një poezi e artit
bashkëkohor, e cila shkëlqen nën dritat e kryeqytetit. Përdorimi i materialeve të ndryshme, si metale të patinuara,
qelq, granit, dru dhe materiale sintetike, tregon kujdesin
e veçantë për detajet dhe për krijimin e një strukture që
është jo vetëm e bukur, por edhe e qëndrueshme.
Fotografia: Gëzim Puka
Fotografia: Gëzim PukaKy projekt arkitekturor është përpjekje e qenësishme e
dëshirës dhe vullnetit për të kontribouar me stil në siluetën urbane të qytetit. Projekti i ndërtesës “The Hill”
dëshmon qartë se ndërthurja e harmonishme e organizimit të hapësirës me përdorimin e teknologjisë, ka krijuar një mjedis funksional dhe tërheqës, që përbën një
manifestim të mjeshtërisë arkitekturore. Pjesa e sipërfaqes nëntokësore siguron hapësirë të mjaftueshme
parkimi dhe qasje të lehtë për personelin dhe vizitorët.
Komunikimi vertikal me ashensorë, shkallë dhe shirita
lëvizës, është një zgjedhje e saktë, që ka siguruar lëvizje
të rehatshme në të gjithë ndërtesën. Gjithashtu, vendosja
e shkallëve të emergjencës në qendër të ndërtesës, të
mbrojtura me dyer zjarrduruese është një masë e rëndësishme për sigurinë e të gjithë përdoruesve të ndërtesës.
Galeria e brendshme është një hapësirë funksionale për
të lidhur katet dhe për të krijuar një komunikim të qëndrueshëm mes tyre. Portali i qelqit është një element
shumë i rëndësishëm që sjell ndriçim natyral dhe krijon një atmosferë të këndshme brenda ndërtesës, i cili
së bashku me përdorimin e teknologjisë krijon lojën e
dritë-hijes duke krijuar një mjedis të veçantë. Fasada e
ndërtesës, me alumin të perforuar në formë të valëzuar
dhe ngjyrë të kuqe metalike, i jep asaj një pamje shumë
tërheqëse. Ndërsa portalet e qelqit dhe hyrjet, me të njëjtin stil dhe ngjyrë, i japin ndërtesës një identitet unik. Kjo
ndërtesë është një shembull i kreativitetit arkitekturor
dhe përdorimit të teknologjisë së përparuar për të krijuar
një peizazh të larmishëm urban.
