Shkolla e Katarit “Lasgush Poradeci”

Projekt-ideja paraprake u realizua në 2020 nga ASArchitects në kuadër të bashkëpunimit publik- privat dhe nismës së Bashkisë Tiranë “Solidaritet për dëmet e termetit”, duke i dhënë një rëndësi të vecantë krijimit të konceptit. Qëllimi i këtij projekti ishte rindërtimi i shkollës që ndodhet në zonën e Kombinatit, Tiranë duke mbajtur të njëjtin funksionalitet si shkolla 9-vjecare ekzistuese në të njëjtën sipërfaqe prej 5352.5m2 . Vizioni i dizajnit arkitektonik dhe urban bazohet kryesisht në ruajtjen e identitetit të zonës ku koncepti merr frymëzimin e tij, duke integruar ndërtesën me natyrën si funksionalisht ashtu edhe estetikisht. Tre materialet kryesore çeliku, tulla dhe betoni integrojnë ndërtesën me kontekstin e saj industrial. Gjithashtu gjatë procesit të zgjidhjes arkitektonike është konsideruar ruajtja e gjelbërimit ekzistues kryesisht në perimetër. Modelimi i tullës në fasadë, paraqet dinamizmin e shkollës i perkthyer në lëvizjen e nxënësve, i cili theksohet me fort nga ditë-hija. Duke analizuar kushtet urbane dhe mjedisore, si dhe duke ruajtur identitetin e zonës, forma gjeometrike “U” e zgjedhur, krijon mundësinë e zhvillimit të një oborri të brendshëm dhe të krijimit të sa më shumë mjediseve që përdorin dritën natyrale dhe ajrosjen në pjesën më të madhe të ditës, duke siguruar komoditet të nivelit të lartë.