Kreu
FRAGMENTE TË ARKITEKTURËS BASHKËKOHORE SHQIPTARE
Alban Birçe(Arkitekt)
Nobus Hotel & SPA
Vendndodhja:Jonufër, Vlorë - Shqipëri
Tipologji:
Hoteleri
Autor|ët:Alban Birçe
Viti i realizimit:2022
Bashkëpunëtorët:Rezart Pogaçe, Imelda Birçe
Fotografia: Leonit Ibrahimi & Park StudiosNobus Hotel & SPA
Frymëzimi në krijimin e këtij projekti vjen si rrjedhojë e analizës së nevojave të porositësit, dhe krahas saj
me leximin e vëmendshëm të kontekstit. Kjo ndërtesë
është e lidhur pazgjidhshmërisht me terrenin dhe territorin ku është vendosur. Relievi i kodrave që nga Vlora
gjarpëron drejt Orikumit, ka në krahun perëndimor një
shpat të pjerrët, i cili me rritjen e kuotës, bën të mundur soditjen e Detit Jon në një kornizë natyrore, që shtrihet nga gadishulli i Karaburunit, vazhdon në Sazan, e
shkon deri në Zvërnec dhe Nartë. Ky kontekst gjeografik
i privilegjuar është vendndodhja e Nobus Hotel & SPA.
Terreni i ndërhyrjes ndodhet në një ndërthurje kalimesh,
që i ngjiten kodrës me një disnivel të konsiderueshem.
Ndërtesa integrohet në këtë morfologji duke mundësuar aksesin në kate të ndryshme, në varësi të funksioneve të shërbimeve të ofruara: hotel, SPA, bar/restorant,
pishinë, parking.
Holli, i cili zhvillohet vertikalisht në dopio-nivel dhe
mbetet i zhytur në shkëmb në tre faqe, është aksi kryesor i ndërtesës. Gjashtë metra më poshtë, në nivelin e
rrugës në kahun verior, ndodhen parkimet. Aksesi drejt
pishinës panoramike në anën jugore pozicionohet sipër
hollit.
Fotografia: Leonit Ibrahimi & Park Studios
Fotografia: Leonit Ibrahimi & Park StudiosKëto hyrje lidhen vizualisht me njëra tjetrën me brezare
të harkuara prej guri, duke i dhënë vazhdimësi relievit dhe bimësisë mesdhetare ekzistuese. Volumetria e
objektit është rezultat i ndërthurjes gjeometrike të disa
prizmave që ndjekin ritmikën e brezareve dhe krijojnë
një formë që integrohet me terrenin në mënyrë jo invazive. Nga këto sekuenca rrjedhin fasada të zhveshura
nga pjesët ‘e tepërta’, me referenca stilistike të arkitekturës racionaliste, duke preferuar pastërtinë e formës
dhe volumet e skalitura. Rezultati është maksimizimi i
ndjenjës së privatësisë të përdoruesve si dhe krijimi
i efektit dylbi, duke rritur perspektivën e pamjes nga
brenda jashtë. Përzgjedhja e materialeve është pasojë e një faktori ekzistues; fasada e bardhë minimizon
impaktin e diellëzimit, parapetet e xhamit lejojnë fluksin e shikimit nga brenda jashtë dhe nuk ndërhyjnë në
esencialitetin e fasadës. Taracat janë realizuar me gurët
e nxjerrë nga gërmimi dhe materialet e dyshemeve si
brenda dhe jashtë objektit rimarrin po ato tonalitete
ngjyrash lokale.
Në thelb ky projekt është përzgjedhur nga studioja jonë
e tërhequr nga kompleksiteti i sfidave dhe kërkesave që
ka pasur, ardhur këto si nga porositësit ashtu edhe nga
territori ku ndodhet.
