Gate 03

I dizenjuar si një restorant i kuzhinës fusion, Gate 03 përfaqëson një ndër projektet që i dedikohet tërësisht detajit të elementeve të interierit. Fasada e objektit e zhvilluar në formën e një blloku të lartë, e shkëput dhe izolon zonën e restorantit nga rruga dhe qyteti, duke e orientuar interierin plotësisht drejt vijës bregdetare. Nga mjedisi rrethues janë marrë shumë elemente, midis të cilave veçohet koncepti i velave të anijeve, që është ripërdorur në lakimet e shumta të tavaneve, duke formuar një lojë të veçantë të dritës dhe hijes. Për të balancuar format e larmishme gjeometrike të interierit, është propozuar përdorimi i një materiali të vetëm në veshjen e tij, gjë që thekson minimalizmin e kësaj hapësire. Përmes integrimit të elementeve të frymëzuara nga arkitektura orientale dhe përfshirjes së gjelbërimit në hapësirat e brendshme të restorantit, ky projekt ka për qëllim të theksojë rëndësinë e të jetuarit në prani të natyrës