Kreu
FRAGMENTE TË ARKITEKTURËS BASHKËKOHORE SHQIPTARE
Visar Geci(Arkitekt)
DonCafé House
Vendndodhja:Prishtinë - Kosovë
Tipologji:
Gastronomi, Shërbime
Autor|ët:Visar Geci
Viti i realizimit:2013
Bashkëpunëtorët:
Fotografia: Atdhe MullaDonCafé House
“Don Café House” paraqet një koncept inovativ të
prezantuar nga kompania Don Coffee në Kosovë. Idea
e zhvilluar për t’iu përshtatur zgjerimit të biznesit, iu ofron klientëve një mundësi të veçantë për të shijuar produktet e Don Coffee në mjedise të dizajnuara bukur, në
zinxhirin e lokaleve të vendosura në të gjithë territorin e
Kosovës dhe më gjerë.
“Don Café House” përfaqëson një koncept unik arkitektonik dhe vizual, që e dallon brendin nga baret e tjera
tradicionale të kafesë, duke i dhënë një frymë moderne.
Frymëzimi për dizajnin rrjedh nga thesi i mbushur me
kokrra kafeje. Muret e lokalit kanë formë organike,
të punuara me “Plywood”, kurse shtyllat në mes janë të
veshura me thasë kafeje.
Fotografia: Atdhe Mulla
Fotografia: Atdhe MullaTavolinat dhe llambadarët e varur përfaqësojnë kokrrat e
kafesë të rreshtuara në mënyrë asimetrike, që të krijojnë
përshtypjen e të qenit brenda një thesi. Muri ndarës ka
funksion të dyfishtë, dekorativ dhe funksional. Forma e
tij organike zë pjesën më dominuese të hapësirës, duke
ofruar një ndjenjë unike të qëndrimit ulur, ndryshe nga
çdo bar tjetër që mund të haset në jetën e përditshme.Në mes, lokali është i pajisur me ulëse dhe tavolina duke
krijuar një lidhje brenda mjedisit me mur ndarës nga banaku. Ky seksion kryen rolin e banakut për ekspozimin e
artikujve të kompanisë. Forma e barit luan gjithashtu një
rol të rëndësishëm në funksionimin e lokalit. Perimetri
i jashtëm është i veshur me një lloj shtrese organike të
prodhuar nga pjesët e drurit 4cm dhe pasqyron dinamizmin, që e karakterizon të gjithë lokalin. Projekti është
realizuar nga materiali i pllakave të shtresuara të drurit me trashësi 2cm dhe 4cm. Secili prej elementeve të
drurit është dizajnuar i veçantë çka e mundëson arritjen
e formës organike. I gjithë mjedisi përbëhet nga 1365
pjesë druri, secila e dimensionuar, e projektuar, e prerë
dhe e montuar veçmas.
