SQUARE 21

Arkitektët në Xplan Studio kanë projektuar një objekt që të përshtatet me peizazhin e qytetit dhe t’u sigurojë banorëve përvojën më të mirë të mundshme të jetesës. Ai është një dëshmi e vërtetë e shpirtit krijues të qytetit dhe angazhimit të arkitektëve për t’iu ofruar banorëve jo vetëm një përvojë jetësore të rehatshme, por edhe të qëndrueshme. Objekti i stilizuar dhe trajtuar me një kujdes të veçantë arkitektonik është sjellë ndryshe, duke qenë një objekt ndryshe dhe unik në llojin e vet, të realizuar deri më tani. Besojmë se Square21 paraqet një trofe të materializuar të përfundimit të një epoke 30-vjeçare të ndërtimit në Tiranë. Elementet që i mundësuan Square 21 këtë sukses janë të thjeshtë, të pastër, të rregullt, por nga ana tjetër të guximshëm dhe dinamikë. Nuk ndodh shpesh që të ndeshesh brenda qytetit me fasada të ndërtesave në ngjyrë të zezë, me fasada të gjelbëruara edhe me bimë kacavjerrëse. Asnjë ndërhyrje në objekt nuk është e pa qëllimtë, duke filluar nga kombinimi i ngjyrave, e bardhë, e zezë dhe gri si nuanca që balancojnë njera-tjetrën dhe përdorimi i të verdhës si ngjyrë që “zgjon” shikimin. Gjelbërimi si element kyç, që përtej të gjitha përparësive të tjera, ndikon pozitivisht në psikologjinë e njerëzve, është i pranishëm kudo në horizontalitet dhe vertikalitet. Fasadat e trajtuara në forma të ndryshme sjellin dinamizëm dhe shmangin monotoninë. Kjo mënyrë e trajtimit të projektit krijon marrëdhënie të re urbane mes ndërtesave, kontekstit dhe banorëve, një koncept kyç frymëzues që dialogon me zonën dhe krijon një lagje ndërvepruese, sikurse duhet të jetë.