Shtëpia Focal

Banesa Individuale “Focal House” është zbatuar në një zonë të qetë banimi. Ky projekt, që në fillim është parashtruar si një sfidë profesionale, se si do të integroheshim konceptualisht në një kontekst me tipologji të ndryshme, por me elemente të përbashkëta - përmasat e vogla, tekstura rrethuese (çatitë e kuqe) dhe oborret modeste. Të gjitha këto aspekte ishin nxitje për krijimin e konceptit të shtëpisë, që ishte zgjedhja e një qasjeje të re pa prishur matricën urbane të hapësirës, një pikë referimi e re me elemente të arkitekturës bashkëkohore. Qasja bashkëkohore në paraqitje dhe zgjedhja e ngjyrës së theksuar të fasadës, gjithashtu kontribuojnë në integrimin e kësaj ndërtese në mjedisin ku mbizotëron prania e çative në ngjyrë terrakote. Vëllimi i thjeshtë i shtëpisë, me një gjest elegant në nënkulm, formon një lidhje të shkrirë me ndërtesën fqinje dhe siguron vazhdimësinë e formës urbane.