Kopështi Montessori

Koncepti i kopshtit “Montessori” rrjedh nga lidhja ndërmjet oborrit e rrethimit, kontekstit të tij si dhe paraqitjes së hapësirave që nxisin marrëdhëniet midis fëmijëve. Kjo prodhoi idenë për ta ndarë vëllimin në seksione të tjera të vogla, saktësisht në 3 vëllime të lidhura të gjithë nga një pllakë nëntokësore. Ata ngjajnë më shumë me shkallën e një shtëpie, duke theksuar pjerrësinë e çatisë së ndërtesave, për të nxjerrë në pah formën bazë të një shtëpie. Kopshti i fëmijëve ka në pjesën më të madhe ngjyrën e lehtë të drurit. Përdorimi gjerësisht i resinës dhe shmangia e qosheve të mprehta zvogëlon shumë rreziqet e mundshme dhe bën që fëmijët të lëvizin lirshëm dhe të sigurt. Në klasat gjithashtu janë përdorur ngjyra dhe materiale të lehta, duke krijuar hapësira të ngjashme me shtëpinë, që fëmijët të mund të shprehen plotësisht. Koncepti, siç u përmend më lart, rrjedh nga lëvizja fluide dhe zgjedhja e vëllimeve dhe materialeve bazë, ku kemi tre vëllime shtëpish të shpërndara në zonë në mënyrë simetrike. Në “shtëpinë” e parë kemi “pikën e takimit” dhe në dy “shtëpitë” e tjera janë të organizuara klasat. Në projekt mbizotëron hapësira e gjelbër dhe argëtuese, me një fushë sportive dhe lojërash në fund. Projektimi i kopshtit është bërë në bazë të koncepteve dhe parimeve të Montessorit.