Kreu
FRAGMENTE TË ARKITEKTURËS BASHKËKOHORE SHQIPTARE
Armand Vokshi(Arkitekt)
Ambasada e Paqes
Vendndodhja:Tiranë - Shqipëri
Tipologji:
Kulturë
Autor|ët:Armand Vokshi
Viti i realizimit:2019-2021
Bashkëpunëtorët:Alba Caja, Kristiana Aliaj, Jani Toçi, Soni Oka, Gent Lipe
Fotografia: Evisa KasajAmbasada e Paqes
“Çfarë mund të bëni për të promovuar paqen në botë?
Shkoni në shtëpi dhe duajeni familjen tuaj”
NËNË TEREZA
Selia e re e Ambasadës së Paqes ndodhet në një vend
të favorshëm, buzë rrugës së Elbasanit, në hyrjen lindore të Tiranës, pranë Parkut të Madh. Terreni i pjerrët
mbi të cilin është ndërtuar ndërtesa ishte sfidues. Pjerrësia dhe kushtet e dendura urbane ndikuan në elementet
bazë të projektimit të saj.Ambasada e Paqes është në
pronësi të Federatës së Paqes Universale (FPU), një rrjet
ndërkombëtar dhe ndërfetar individësh dhe organizatash, që përfshin përfaqësues nga feja, qeveria, shoqëria
civile dhe sektori privat, i përkushtuar për promovimin
e paqes në botë. Federata e Paqes Universale është
një OJF me status të përgjithshëm konsultativ pranë
Këshillit Ekonomik dhe Social të OKB-së. FPU mbështet
punën e Kombeve të Bashkuara, veçanërisht në fushat
e ndërtimit të paqes ndërfetare, edukimit për paqen dhe
forcimit të familjes.
Konceptualisht, ndërtesa është trajtuar si një “Shtëpi e
Paqes”, ku forma parësore dhe e thjeshtë e ndërtesës
i është nënshtruar një procesi skulpturor prerjesh dhe
çarjesh për t’i dhënë asaj një pamje bashkëkohore
dhe dinamike.
Fotografia: Evisa Kasaj
Fotografia: Evisa KasajÇarje të tjera dalluese lejojnë hyrjen e dritës natyrale në
katet e poshtme, të cilat përdoren për zyra dhe salla
konferencash. Ngjyra e bardhë simbolizon pastërtinë
e paqes që ekziston dhe që duhet të ekzistojë mes
njerëzve, ndërsa ngjyra e kuqe në të çarat e bëra mbi
ndërtesë thekson brishtësinë e paqes. Ky kontrast midis
dy ngjyrave merr pamje të ndryshme pasi intensifikohet ose zbehet me lëvizjen e diellit gjatë ditës, ndërsa
ndriçimi i natës paraqet një perspektivë tjetër pamore.
Duke parë nga ndërtesa, njerëzit mund të kenë një
pamje panoramike të qytetit dhe parkut të madh nga
tarraca e madhe dhe hapjet e ndryshme në fasadë. Kjo
është bërë e mundur nga një projekt i veçantë ndërtimi
në beton të armuar.
Imazhi i jashtëm i ndërtesës pasqyron një stil modern
linjash të pastra, përmes fasadave me pllaka të bardha,
të ndërthurura me elementë xhami, duke i dhënë asaj
një përbërje të ekuilibruar. Objekti është i pajisur me teknologji të lartë dhe përmban elementë të veçantë, që
e bëjnë atë një nga ndërtesat institucionale më të përparuara në Shqipëri.Salla prej 300 vendesh e vendosur
nën tokë, së bashku me një sërë zyrash dhe mjedisesh
ndihmëse, janë rezultat i një studimi të detajuar të futjes së dritës zenitale përmes dritareve të vendosura në
planimetrinë përdhese
