Tempulli më i ri katolik, Kisha Naraç

Lumi sjell gurët, ajri sjell idetë dhe drita i realizon ato. Kështu fillon fantasia për krijimin e tempullit të ri katolik, të stilit modern. I pari objekt i këtij lloji në Republiken e Shqipërisë, i projektuar dhe i ndërtuar totalisht nga arkitekt shqiptar dhe nga punonjës dhe produkte të vendit. Fshati ku ndërtohet ky tempull është afër një lumi. Ndërtimi prej betoni është materiali më i arsyeshëm dhe më i pershtatshëm në peisazhin e tillë që ka ky fshat. Kudo nëpër rrugë shikon guraleca lumi, sepse dikur para kohës së komunizmit në këtë fshat kalonte lumi. Fshati gjatë kohës së komunizmit u zhvendos nga sipër lumit, ku ishte, poshtë lumit, pasi u ndërtua një digë për devijimin e lumit për të tharë tokat bujqësore që përmbyteshin në atë fushë, në fushën e Zadrimës. Arkitekti është i këtij fshati, me një formim të krishterë. Është formuar si arkitekt në Akademinë e Arkitekturës në Mendrisio, në Zvicër. Është diplomuar nga një arkitekt i famshëm botëror, arkitekti Mario Botta dhe ka qenë për më shumë se një vit e gjysëm student i arkitektit fitues të “Pritzker Price” 2009, Peter Zumthor. Arkitekti ka punuar dhe bashkëpunuar me disa studio të ndryshme në Zvicër. Ka qenë fitues në disa konkurse ndërkombëtare të realizuara në bashkëpunim me këto studio. Ideja për realizimin e këtij objekti erdhi si rrjedhojë e formimit të këtij çunaku të këtij fshati dhe dëshirën e madhe për të krijuar dicka të veçantë, të bukur, për ti dhëne shpresë fshatit.