BUÇAJ Zyrat qendrore

Gjeneza e këtij projekti ka zënë fill bazuar në aktivitetin e përditshëm të kompanisë Buçaj. Qëllimi kryesor në projektimin e këtij mjedisi, ishte shfrytëzimi maksimal i hapësirës duke tentuar që shtrirja horizontale e volumit arkitektonik të paraqesë peshën dhe rëndësinë e kompanisë në tregun e Kosovës. Ndërtesa është dizaj -nuar në dy volume të ndara. Në volumin parësor janë pozicionuar funksionet kryesore të kompanisë dhe në volumin dytësor, mjediset mbështetëse logjistike dhe teknike. Volumi parësor është zhvilluar rreth recepsionit si pikë qendrore me qëllimin e ofrimit të një hapësire mikpritëse dhe njëkohësisht të reflektojë fuqinë e kompanisë. Qasja kreative në trajtimin e mjedisit të brendshëm, me anë të lojës me ngjyra, shtrirjes së teksturave nga natyra e ftohtë në të ngrohtë reflektojnë harmoni dhe qetësi kudo ku lëviz nëpër mjediset e brendshme të kompanisë.